Velkomin á kennsluvefinn Kraftmiklar kynningar!
|
Kennsluvefurinn geymir leiðsögn og góð ráð um vinnu nemenda við kynningar í grunnskóla. Bent er á heppilegan hugbúnað og aðferðir við undirbúning, efnisgerð, flutning og framsögn.
|
Hvernig má nýta sér vefinn? |
Hugbúnaður |
|
Þessi síða er ætluð öllum þeim sem vilja efla kynningarnar sínar. Upphaflega var hugsunin sú að þetta væri kennslutól fyrir umsjónarkennara þar sem að fræðsla og þjálfun í upplýsingatækni er að færast enn meira inn á þeirra svið. Á vefnum er meðal annars að finna verkefnalýsingar sem henta þegar leggja á fyrir einstaklings-, para- og hópverkefni en líka sniðugar leiðir við að skipta í hópa, glíma við upplýsingaöflun og fást við námsmat. Einnig er að finna á vefnum hagnýtar upplýsingar um opinn og veflægan hugbúnað sem hægt er að nota við gerð kynninga. Að lokum er hægt að skoða efni sem tengist framsögn og flutningi á kynningum.
FlutningurÞað er ekki nóg að vera bara með flottan hugbúnað að baki sér. Ef að flutningurinn heppnast ekki þá getur öll kynningin misheppnast eða farið í vaskinn, sama hversu flott hún var uppi á skjá. Því er mikilvægt að kynna sér lykilatriðin í góðum flutningi og góða hluti til þess að hafa á bak við eyrun. Máttugur flutningur getur gert það að verkum að allur salurinn hrífst með þér og verður reiðubúinn að fallast á það sem þú hefur fram að færa.
|
Mismunandi hugbúnað er hægt að nýta í svona kynningar og geta þeir sem vilja prófa eitthvað annað en venjulegt glærukynningarforrit skoðað síðuna um hugbúnað til þess að fá hugmyndir. Athugið að listinn er langt í frá að vera tæmandi og gefur bara hugmynd um það sem til er. Allur hugbúnaður sem er kynntur á síðunni er veflægur og því þarf ekki að hala niður forriti í tölvu eða spjald. Þetta hentar því grunnskólum vel þar sem oft eru takmarkanir á því hverju er hægt að hlaða niður á tækin.
Hafa sambandHérna er hægt að hafa samband við kennarann að baki kennsluvefnum.
|
Það getur verið erfitt að standa fyrir framan margmenni og halda kynningu. En ef maður hefur trú á sinni kynningu og hlakkar til að flytja hana, verður þetta miklu auðveldara!
Hver er kennarinn?
Ég heiti Ragna Sverrisdóttir og er, þegar þetta er skrifað, 28 ára kennaranemi og kem að austan. Í kennaranámi mínu við Háskóla Íslands ákvað ég að velja upplýsingatækni og miðlun að kjörsviði af því að ég tel námið þar vera gott veganesti fyrir kennslu mína í framtíðinni. Vefurinn er hluti af meistaraverkefninu mínu til M.Ed.- gráðu.
|
Þegar ég byrjaði á verkefninu hafði ég ekki mikla reynslu af grunnskólakennslu og þá aðallega í gegnum vettvangsnámið. Ég tók svo við umsjónarkennslu í 6. bekk grunnskóla í janúar 2018 og fékk þar heilmikla innsýn sem ég hef nýtt mér við að þróa vefinn.
Markmiðið með honum er að bjóða fram opið menntaefni og auðvelda kennurum á vettvangi grunnskóla að fela nemendum að búa til skjákynningar og flytja þær. |
